Agenda

Iņigo Aranbarriren "Munduko tokirik ederrena" mintzagai

Xehetasunak
Noiz: apirilak 11, 18:45etan
Non: Basauri, Pozokoetxe
Harremanetarako
Irakurle taldea: Basauri

Iņigo Aranbarriren

Iņigo Aranbarriren Munduko tokirik ederrena (Susa, 2018) ipuin liburua mintzagai izango dute.

Sinopsia:

Nola bizi atzoko guztiak hainbesteko pisua badu. Horra Iņigo Aranbarrik hamar ipuinotan dakarren galdera. Errepidean hildakoen bitartez bailararen istorioa kontatu nahi duen jonki ohia, ezkontza baten lurrunetan dabilen poliziaren gogoetak, lagunaren emazte alargunari etxea hustera doakion hirukotea, amaren ordez herrira itzuli den gaztea, eredu izango den modeloaren bestaldea, galdutako pistola baten ibilerak, kondenatua hiltzen ikusita betiko mututu den emakumea… Ezinarekin borrokan, adiskidantzaren ertzen eta sentimendu primarioen artean dabiltza Aranbarriren aurreneko ipuin liburuko pertsonaiak erantzunaren bila.

Kontu kitatze bat desagertzen ari den mundu batekin, hura ederretsi gabe. “Ez dun nostalgia, garai hura ez zunan hobea”, dio pertsonaietako batek. Lehengo mundu hori oraingoarekin gainjarrita ageri da ipuinotan, giza flysch basa batean bezala.