Irratsaioak

Banda historikoaren omenez

Asteartea, 2017-06-27

Pott bandari buruzko liburu bat argitaratu du Sorzain argitaletxeak. Pott Banda. Ekilibrista bihotza (1977-1980). Jon Kortazarrek apailatu du edizioa, eta garaiko eta beranduagoko idazleek hartu dute parte bertan.

Igartza Beka Saria, azken txanpan

Astelehena, 2017-06-26

Beasaingo Udalak, Elkar argitaletxeak eta CAF enpresak elkarrekin antolatzen duten literatur beka da Igartza. Ekainaren 30ean amaituko da lanak aurkezteko epea. Kontuan hartzekoa: 35 urtetik beherakoentzako beka da. Saritua den idazleak 6.000 euroko dirulaguntza jasoko du. Ekaitz Goienetxearen sormen lana saritu zuten iazko edizioan.

"Arraroa" albuma gailendu da Etxepare sarian

Osteguna, 2017-06-22

Ainara Azpiazu Aduriz eta Paula Estévez Del Diego egileek irabazi dute 2017ko Etxepare saria Arraroa albumarekin. Epaimahaiaren esanetan, "kolore biziek areagotu baino ez dute egiten lanari darion bizipoza”.

Historia hurbilaz idazteko beka

Osteguna, 2017-06-22

Tene Mujika beka sariak Euskal Herriko historia hurbilaren ezagutza zabaltzea du xede. Debako Udala eta Elkar argitaletxea dira ekimen honen sustatzaileak. Proiektuak 2017ko abenduaren 11 arte bidal litezke helbide honetara: artxiboa@deba.eus. Lan irabazleak 6.000 euroko diru-laguntza jasoko du.