Irratsaioak

Poesia, Xabier Leteri omen egiteko

Osteguna, 2017-09-21

Martxan da Xabier Lete Nazioarteko IV. Poesia Lehiaketa, Lete zenaren omenez Gipuzkoako Foru Aldundiak antolatzen duen poesia-lehiaketa. Parte hartu nahi dutenek abenduaren 15era arte bidal ditzakete beren lanak.

Itzulpenez itzulpen, munduari itzulia

Asteazkena, 2017-09-20

Datorren astean, hilak 30 dituenean ospatzen da Itzultzaileen Nazioarteko Eguna. Horren harira, itzulpen-bira bat antolatu du EIZIE Euskal Itzultzaile, Zuzentzaile eta Interpreteen elkarteak. Anjel Lertxundiren esaldi bat itzuli nahi dute ahalik eta hizkuntza gehienera.

Pentsamenduari azpildurak ateratzeko beharra

Astelehena, 2017-09-18

“Aforismo asko probokazioak dira. Pentsatzen jarraitzeko aitzakia”. Juan Kruz Igerabidek Labur txintan (Pamiela) liburuaren aurkezpenean esandako hitzak dira hauek. Idazketa prozesuan, ironia baliatu duela dio Adunako idazleak. "Uste dut liburu honetako aforismo denetan dela ironia puntu bat".

Azoka badator

Osteguna, 2017-09-14

Durangoko Azoka abenduaren 6tik 10era egingo da, baina erakusmahaiak alokatzeko epea asteon zabaldu da. Ahotsenean izena emateko garaia, ordea, urriaren 4an irekiko da.

Paperezko txoriak bezain zaurgarriak

Asteazkena, 2017-09-13

Igartza Saria gazte sortzaileen jarduna sustatzeko eratu zen. XX. edizioan, Miren Amurizaren egitasmoa gailendu da. Sari honi esker, bere lehen nobela plazaratuko du bertsolari bizkaitarrak: Paperezko txoriak.