Albisteak

Frisian sorkuntza egonaldia egiteko aukera

Astelehena, 2017-08-14

Europako zenbait hizkuntza komunitate txiki edota gutxituen arteko literatur trukerako sarea da Beste Hitzak / Other Words programa. Laugarren deialdia iragarri berri dute. Honakoan, Frisia izango da zortzi asteko literatur sorkuntza egonaldiaren kokaleku. Egonaldia urriaren 23an hasi eta abenduaren 18an amaituko da. Izen ematea, ordea, irailaren 11n amaituko da. Plaza bakarra dago jokoan.

Hitzen Uberan: 2016-17 denboraldiko elkarrizketa guztiak

Ostirala, 2017-07-28

Ostiraletan argitaratzen ditugu elkarrizketak Hitzen Uberan atarian. Eremu digitalak ematen dizkigun aukeraz baliatuta, elkarrizketa sakonak egiten saiatzen gara, eta aktualitatearen zirimolan galtzen diren liburu eta ahotsei tokia egiten. 2016-2017ko azken ostirala dugun honetan, ikasturteko elkarrizketa guztiak bildu ditugu albiste bakarrean. Irakurketa on!

Komunitatea: sormen-lanen txokoa

Osteguna, 2017-07-27

2015. urtean, atal berri bat jarri genuen martxan: Komunitatea. Berebiziko martxa hartu zuen zabaldu eta berehala. Argazkiak idatzi literarioekin osatuak, orotariko sormen lanak, gogoetak... Atal honek uberan.eus web orriari egin dion ekarpena oparoa izan da. Post honen bidez, 2017 urteko lehen zatian batzuk eta besteek egindako ekarpenak laburbiltzen saiatu gara.

Antisemitismoa hizpide duen albuma

Harriet argitaletxeak Hegoak astinduz albuma plazaratu du

Ostirala, 2017-07-21

Bigarren Mundu Gerran kokatzen da Hegoak astinduz (Harriet) album ilustratuaren trama. Simon eta Ana gaztetxoak dira protagonistak. Eta hain zuzen, hori da lan honen bereizgarri nagusia: ume batzuen begietatik hurbilduko gara garai ilun eta gogor hartara.

Abuztu bete lehiaketa

Osteguna, 2017-07-20

Uda giroan irakurtzeko ez ezik idazteko gogoa daukanak, aitzakia ederra dauka aurten. Irailean amaituko dira hainbat literatur genero lantzen dituzten lehiaketetara lanak aurkezteko epemugak, besteak beste, Ernestina Champourcin poesia-lehiaketa edo Oihenart aforismo lehiaketa. Albiste honetan bildu ditugu lehiaketa horiei guztiei buruzkoak.

Atarrabiako kontakizun laburren lehiaketara aurkezteko azken asteak

Asteazkena, 2017-07-19

“Pedro de Atarrabia” kontakizun laburren XXVI. Literatur Sariketa antolatu du aurten ere Atarrabiako udalak. Gehienez ere 20.000 karaktereko kontakizunak aurkez daitezke, abuztuaren 6ra arte, eta irabazleak 2.500 euroko saria jasoko du. Lehiaketari buruzko xehetasun guztiak bildu ditugu albiste honetan.