Albisteak

Bertako Fest: Baratzatik gertuko arte eszenikoen jaialdia

Osteguna, 2017-03-23

Baratza aretoak (Gasteiz) arte eszenikoen jaialdia antolatu du asteburu honetarako. Areto horren inguruan lanean dabiltzan artisten lanak erakutsiko dituzte Bertako Festen; tartean, euskarazko bi antzezlan estreinatuko dira, bihar eta etzidamu. Horien berri bildu dugu albiste honetan.

Isturitzetik Etiopian Barrena emanaldia estreinatuko dute bihar

Asteazkena, 2017-03-22

Gazte Sortzaileak Beka eskuratu zuen Beñat Goitiak, eta horri esker sortu du Isturitzetik Etiopian Barrena ikuskizuna, uztartuz musika, literatura eta zinema. Bidelagun izan ditu Adrian Puck eta Aitor Zarzuelo. Bihar estreinatuko dute ikuskizuna, Gasteizen, Oihaneder euskararen etxean. (Argazkia: emanaldian erakutsiko duten film laburreko irudi bat).

Blas de Otero-Bilboko Hiria Poesia Saria, martxan

Lanak aurkezteko epea: maiatzaren 30a baino lehen

Astelehena, 2017-03-20

Bilboko Udalak eta Blas de Otero Fundazioak “Blas de Otero-Bilboko Hiria” Nazioarteko Poesia Sariaren hamargarren edizioa deitu dute. Lehiaketak 5.500 euroko bi sari emango ditu, euskaraz zein gaztelaniaz irabazle izango diren bi poema lanetarako.

Errezitaldiak eta liburu aurkezpenak, Poesiaren Egunaren aitzakian

Astelehena, 2017-03-20

Poesiaren Nazioarteko Eguna bihar izango bada ere, Donostia partean gaur hasiko dituzte ospakizunak. Patxi Zubizarretak Hegan egin nahi duten arrainak gara errezitaldi musikatua aurkeztuko du arratsaldeko 19:30ean Victoria Eugenia Club aretoan. Ez da egun seinalatu honen bueltan eskainiko duen saio bakarra izango. Bihar Miguel Hernandezen poesia ekarriko du gogora Bilboko Bidebarrieta Liburutegian.