Albisteak

ADELeko antzerki programazioa

Osteguna, 2018-03-22

Apirilaren 2tik 7ra XIII. antzerki topaketak antolatu ditu Artedramak Aulestin. Aste osoa iraungo duen ikastaro trinkoaz gain, antzerki programazioa prestatu dute. Jarraian ikus dezakezue egitaraua osorik.

"Ilustrazio bakoitzera iristeko egindako hautuak eta pausoak erakustea izan dut helburu"

Asteazkena, 2018-03-21

Ilustratzaileen Txokoak maizter berri bat du: Idoia Beratarbide. Azken urteotan liburu asko edertu ditu: Lur beldur (Uxue Alberdi-Denonartean, 2015), Koldo (Joxemari Carrere-Errenteriako Udala, 2016) edota Igel marroitxo (Pello Aņorga-Haziak, 2016), batzuk aipatzearren. Horretaz gain, hamaika azal eta kartel egin ditu. Donostiako Aiete Kultur Etxeko erakusketa aretora hurbiltzen den bisitariak "azken 8 urteotan egindako zenbait lan" topatuko dituela adierazi digu.

Hiru lehiaketa aukeran

Asteartea, 2018-03-20

Arabako Foru Aldundiak literatur arloko hiru lehiaketa ditu martxan. Edizio askoren ondorioz, dagoeneko oso sustraituak dauden hiru deialdi dira. Ignacio Aldecoa izena daraman lehiaketak ipuinak saritzen ditu. Ernestina de Champourcin lehiaketak, poesia lanak. Eta Becerro de Bengoa delakoak, aldiz, saiakera idatziak. Hiru lehiaketa hauetan modalitate bi daude aukeran; euskarazkoa eta gaztelaniazkoa. Eta hiru lehiaketetan epea berbera da: lanak aurkezteko azken eguna irailaren 2a izango da.

Maddi Zubeldia eta Uxue Alberdi, 111 Akademiaren sariko finalistak

Astelehena, 2018-03-19

Akademiakideek Deserria haurtzaro (Elkar) eta Jenisjoplin (Susa) eleberrien artean hautatu behar dute sariduna. "Apirilaren amaieran emango da ezagutzera epaia eta sari banaketa maiatzaren hasieran egitea aurreikusten da", sustatzaileek aditzera eman dutenez.