Albisteak

Krisi ekonomikoa, langabezia, ustelkeria, kontzientzia arazoak, giza-harremanen krisia, denboraren herdoila edota belaunaldien arteko etena... Kutsu horretako ipuinekin irabazi du Donostia Hiriko Kutxa Literatur Saria. "Kontraesana dirudien arren, ipuinak 'pesimismo irribarretsu' halako batez blaituak daude", Aritz Gorrotxategik aditzera eman digunez. Abenduan emango dituzte ipuinok argitara.

Hiru idazleek “Hau ez da poeta bat (edo bai)” izeneko emanaldian parte hartuko dute. Emanaldiaren titulua Hitzen Uberaneko kideok proposatu diegu probokazio modura, eta erronkari erantzunez bakoitzak errezitaldi moduko pieza labur bat sortu du. Ekitaldi hau Hitzen Uberanek martxan daramazkin sei urteetan bidelagun izandako bidelagunei, kolaboratzaileei eta irakurleei esker ona adierazteko baliatu nahi dugu. Emanaldiaren ostean zizka-mizka egongo da, solasaldien lagun. Urriaren 6an 19:30ean Donostiako Kaxilda liburu-dendan.

2012ko urrian antolatu zuten estreinakoz Donostia Kulturak eta Galtzagorri Elkarteak egitasmo hau: Ilustratzaileen Txokoa. Helburua: ilustratzaileen lana aintzat hartzea etagizarteratzea. Orduz geroztik, hainbat ilustratzaileren lanak egon dira bertan ikusgai, besteak beste, Elena Odriozolarenak, Maite Gurrutxagarenak eta Iban Barrenetxearenak. Concetta Probanzaren txanda da orain.

"Jauzi" izeneko antzerki egunak antolatu dituzte Usurbilen gaur hasi eta igandea bitarte, EHAZE elkartea eta herrian bertako antzerkilari eta antzerkizaleen eskutik. Ekitaldiz beteriko egitaraua izango da, haien artean iaz estreinaturiko Zerura eroria eta Putinen guardasola antzezlanak ikusteko aukera.

Euskal Idazleen Elkarteak Poesia Orduak ekimena antolatu zuen irailaren 9 eta 10ean Victoria Eugenia Clubean, Donostiako Euskal Jaien egitarauaren barruan. Hitzen Uberanen emanaldiak osorik jaso ditugu. Jarraian ikus dezakezue Pako Aristi eta Itziar Gomezen testuekin osatutako "Arrotz eta eder, poemak eta prosak" emanaldia.

Euskal Idazleen Elkarteak Poesia Orduak ekimena antolatu zuen irailaren 9 eta 10ean Victoria Eugenia Clubean, Donostiako Euskal Jaien egitarauaren barruan. Hitzen Uberanen emanaldiak osorik jaso ditugu. Jarraian ikus dezakezue Asier Serranoren testuetan oinarritutako “Linbotarren itzalen ostean” emanaldia.