Komunitatea

Txema Arinas

OTSOAREN IPUINA

Ostirala, 2019-01-25 | Txema Arinas
 

5241736_a13-Doble_autorretrato_0.90_x_0.90

Gezurra badirudi ere, hau ezta nik propio asmaturiko ezer, hau da atzo nire seme nagusiarekin izandako elkarrizketa eskolako hizkuntza ariketaren harira; badago apurtxo bat eramoldatua, jakina.
 
-Aita, ipuin bat idatzi behar dut otsoari buruz.
-Ondo ba.
-Laguntzeko esan dizut, ez dakit nondik hasi.
-Idatzi nahi duzuna; baina,  ez egin, arren, Otsoa eta Txanogorritxuaren enegarren bertsioa.
-Ez, otso zintzoari buruz idatzi nahi nuke.
-Zein?
-Kantuko otso zintzoa, “había una vez un lobito bueno al que maltrataban todos los corderos…”
-Ederto, zergatik ez, atsegin dut, bada garaia otsoak goraipatzeko ere.
-Hau da gaiztoa izan nahi ez zuen otsakume baten istorioa.
-Nork edo zerk behartzen zuen gaiztoa izaten?
-Bere aitak.
-Nola?
-Otsakumearen aitak ehizan egiteko agintzen/bultzatzen zuen, bestela goseak hilko zela estakuru.
-Eta aita otso hori ez zegoen zuzen ala; otsoek jateko ehizan egin behar dute ezinbestez.
-Baina nire otsakumeak ez zuen gogoko gainerako animaliak akabatzea.
-Laztana, otsoak haragijaleak dira, ezin dira barazkijaleak izan.
-Orduan nire otsakumea ezin da zintzoa izan ala?
-Haragilea baldin bada beste animalia batzuk ehizatu behar ditu elikatu ahal izateko derrigorrez. Horrenbestez zure otsokumea ezin da gaiztoa izan, bere izaeraren ajea da eta.
-Orduan otsoak ezin dira gaiztoak izan?
-Otsoak gaiztoak izan daitezkee denok bezala, hau da, egiten dutena gaizki eginda baldin badago.
-Eta nola egiten dute gaizki?
-Gauza gaiztoak egiten baldin badituzte.
-Adierazi nahi didazu otsoak gaiztoak izan daitezkeena premiarik gabe norbait hiltzen baldin badute?
-Ehhh, bai, horixe!
-Baia otsoek ez dute sekula premiarik gabe inor hiltzen.
-Baaaaa…. Nola ezetz, behin baino gehiagotan artalde bati eraso egin ohi diote eta jateko gai direna baino ardi gehiago garbitzen dute.
-Eta hori ez al da izango gizakumeek behartzen dituztelako?
-Aizu, motel, idatzi nahi baldin baduzu otso zintzoaren ipuina, egizu Otsoa eta Txanogorritxoaren beste bertsio bat.
-Benetan ahal dut?
-Bai, baina bertsio berri horretan Txanogorritxoak otsakumea jan dezala burruntzian ondo erreta.
-Aita, faborez, hori ergelkeria galanta da: neskatoek ez dute otsakumerik jaten…
Txema Arinas
Berroztin, 2019/01/25

 


Utzi zure iruzkina
      "Hegoak _______ banizkio, nirea izango zen" (derrigorrezkoa, spam-aren kontra)

Zer da Komunitatea? Nola izena eman?

Zer da uberan.eus web orriko Komunitatea?

uberan.eus web orrian euren sormen lanak partekatu nahi dituzten kideek osatuko dute Komunitatea.

uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.

Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.

Zeintzuk dira Komunitateko kideak?

  • Norbanakoak. Norbanakoak dira izen-abizena duten erabiltzaileak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.
  • Kolektibo literarioak, elkarteak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.

Zer egin Komunitateko kide bihurtu eta edukia gehitzeko?

Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.

Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.

Hortik aurrera, zure sormen lanak uberan.eus-era lotzeko aukera izango duzu.

Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.