Sinadurak

Gabriel Aresti lehiaketara ipuinak aurkezteko azken astea

Osteguna, 2019-03-21

Aurten XXVI. edizioa du Gabriel Aresti ipuin lehiaketak. Bilboko Udalak antolatzen du urtero lehiaketa hori, eta parte-hartzaileek hilaren 30era arte aurkez ditzakete beren ipuin original eta argitaragabeak. Albiste honetan bildu ditugu lehiaketaren oinarriak eta bestelako xehetasunak.

Beñat Sarasolaren lehenengo nobela: "Deklaratzekorik ez"

Asteazkena, 2019-03-20

Beñat Sarasolak Deklaratzekorik ez nobela plazaratu du Susa argitaletxearen eskutik. Pasa den astean Donostiko Pandora tabernan aurkeztu zuten nobela Harkaitz Canok eta egileak berak. Jende ugari bildu zen aurkezpenean, jarraian ikus-entzun ditzakezue bertan esandakoak. Ohiko moduan, liburua osorik topatuko duzue Susa argitaletxearen webgunean, eta paperean dagoeneko liburu-dendetan.

Ione Gorostarzu: "Ez da erditzea, bikoiztea da"

Asteartea, 2019-03-19

Bigarren poema-liburua aurkeztu du Ione Gorostarzuk: Ez da erditzea, Elkar argitaletxearen eskutik. Des egiten opera prima argitaratu eta zazpi urtera ekarri du bigarren hau, eta, besteak beste, ama izatearen esperientziak bildu ditu poemetan. Pasa den astean aurkeztu zuen liburua Donostian, Xabier Mendiguren editorea lagun zuela.

Bueltan da Irakurrieran irratsaioa

Osteguna, 2019-03-14

Irakurrieran irratsaioak denboraldi eta etapa berria hasi berri ditu, Leire Palaciosekin batera esatari ariko den ahots berri batekin mikrofonoetan: Ibai Atutxak hartu du Gotzon Barandiaranen lekukoa. Lehenengo saio honetan Hitzen Uberaneko lantaldeko kideak elkarrizketatu dituzte. Irakurrieran zein Hitzen Uberan Euskal Idazleen Elkarteak bultzatutako proiektuak dira.

Kulturaz Antzerki Sormen Egoitzak proiektuko deialdia zabalik

Asteazkena, 2019-03-13

Bosgarren urtez jarrain, Kulturaz Azpeitiko Kultur Mahaiaren Kooperatibak, Antzerki Sormen Egoitzen programa jarri du abian. Euskal antzerki sorkuntza sustatu eta sortze bidean diren proiektu eszeniko berrien bidelagun izaten jarraitzea dute xede. Martxoaren 21a bitarte aurkez daitezke proiektuak, eta 27an bertan emango da talde aukeratuen berri.