Sinadurak

Michael Kohlhaas: injustizia baten historia

Ostirala, 2019-01-18

Heinrich von Kleist idazle alemanaren Michael Kohlhaas eleberria aurkeztu zuen atzo Katakrakek. Xabier Mendigurenek itzuli zuen estreina liburua orain 25 urte, Literatura Unibertsala bildumaren barruan, eta Iruņeko argitaletxeak berriro ekartzea erabaki du, Joseba Sarrionandiaren hitzaurre bat gehituta.

"Antzerkigintza berriak" deialdiaren epea urtarrilaren 31an itxiko da

Osteguna, 2019-01-17

"Antzerkigintza berriak" proiektuko laugarren deialdia martxan da, urtarrilaren 31an amaituko da proiektuak aurkezteko epea. DSS2016ren ekimenez sortu zen proiektua, Donostiako Victoria Eugenia Antzokia, Gasteizko Principal Antzokia eta Bilboko Arriaga Antzokiaren parte hartzearekin. Helburua zortzi testu idaztea da, zortzi idazlek egingo luketen idazketa tailer gidatu batean, eta ondoren hauetako batzuk ekoiztea.

Etzi hasiko da Hitzez eta Ahotsez zikloa

Asteazkena, 2019-01-16

Seigarren urtez antolatu dute, Durangon, Hitzez eta Ahotsez zikloa. Aldiro, gai bat aukeratu, eta horren inguruan antolatzen dituzte hitzaldiak, solasaldiak eta irakurraldi girotuak. Aurten, askatasunaren inguruan jardungo dira. Hilaren 18an dute lehen hitzordua: Bertsoraino izeneko hitzaldia eskainiko du Uxue Alberdik.

Urtarrilaren 20an amaituko da "Hatsaren poesia" bilduman parte hartzeko epea

Asteartea, 2019-01-15

Hatsa elkarteko kideek urtero legez Hatsaren poesia bilduman parte hartzeko deialdia zabaldu dute aurten ere. Urtarrilaren 20an amaituko da kolaborazioak bidaltzeko epea. Idazle baitak poesia lan bat (gehienez 2 edo 3 poema) bidali behar du, bere argazi batekin batera, eta Hatsakoek jasotako lan guztiak bildumatu egiten dituzte, bestelako filtrorik gabe.

Gaur hasiko da (H)ilbeltza

Astelehena, 2019-01-14

Bosgarrenez egingo dute Baztanen (H)ilbeltza, literatura beltzari buruzko astea. Gaurtik hasi eta igandera arte, askotariko ekitaldiak antolatu dituzte. Albiste honetan bildu ditugu xehetasun guztiak.

Biko Teka tailerrean izena emateko azken egunak

Osteguna, 2019-01-10

Aurten, hirugarrenez antolatu dute Iruņeako Udalak eta Galtzagorri elkarteak Biko Teka izeneko sormen tailerra. Idazle eta ilustratzaileei zuzenduta dago, eta, parte hartu nahi baduzu, urtarrilaren 14ra arte eman dezakezu izena. Jarraian bildu ditugu deialdiaren xehetasun guztiak.