Iñaki Etxeleku Thikoiperekin “ZAD” mintzagai Irakurrieranen

Iñaki Etxeleku Thikoipe elkarrizketatu du Ibai Atutxak Irakurrieranen, ZAD bizi dutenen ahotik (Gatuzain-Txalaparta, 2018) mintzagai liburuaren harira.

zad

Jarraian entzun dezakezue irratsaioa osorik:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

untitled

Sinopsia:

Notre-Dame-des-Landes, borroka lekua eta esperantza sortzailea.

Nola bizi, ekoiztu eta trukatu kapitalismoaren kontsumo eta alienazio legeetatik bereiz? Nola kudeatu egunerokotasuna eta gatazkak, larderiarik gabe, delegazio alderdikoietatik aparte, demokrazia zuzenean eta berdintasunean? Eta, beste mundu posible baten promesa dakarren esperientzia hori haustera etorriko den estatuaren indarrari aurre egiteko, nola antolatu erantzun azkar eta egikorrak?

Iñaki Etxeleku ZADen egon da, eta han direnei galdetu die. Erantzunetan ez da formula zurrunik, ez eta demagogia edo doktrinarismorik. Jendeak lañoki erantzuten du, argitasun harrigarriaz. Sentitzen dutenaren gibelean sumatzen dira hausnarketa asko eta sakonak, eta laguntza handikoak dirateke ezker iraultzailearen etorkizunaz grinatzen diren izpiritu idoki guztientzat.

Baita ZADeko bizipen kolektibo eta militante horiek hurbilagotik ezagutuz, autonomiaren eta autogestioaren nondik norakoak hobe ulertu nahi dituenarentzat ere.Horien eskuetan emateko liburua.

This entry was posted in ga-Irratsaioak, gaIr-Irakurrieran, Gatzetan gordeak. Bookmark the permalink.

Comments are closed.