GIZON HANDIA ETA TXIKIA

20190607_110407

Gizon handia epailea zen, erretiratu eta gero haren inguruko guztiak epaitzen jarraitzen zuen etengabe. Gizon handiak oso uste handia zuen bere buruaz. Beharko, epaile lanaz gain aspaldi baita bere autonomiako Justizia sailburua, Estatutuko Justizia Ministerioko azpi-idazkaria ere izana zen. Badirudi, bere esanetan behintzat, bere lurraldean hainbat epaitegi zabaldu eta estatu mailan epaiketak arinagoak izan zitezen lege berri bat asmatu egin zuela. Horrez gain, gizon handiak oso entzute handia ere omen zuen gainerako legegizonen artean zuzenbide liburu pila argitaratu eta oso oihartzun handiko zenbait auzitan ebazpen zinez mamitsuak eman baitzituen.
 
Gizon txikiak ordea saiatutako enpresa guztietan porrot egin zuen; orain etxeko zein poeta lanetan ari zen buru belarri.
Gizon handiak galdetu egin zion gizon txikiari ea zer zeritzon gaur egungo egoera politikoari. Gizon txikiak erantzun zion jasanezina zela, jende xehea sekula baino zapalduagoa, ustelkeria nonahi eta giza eskubideak gero eta murritzagoak. Gizon txikiak ebatzi egin zuen herria erabateko aldaketa baten beharrean zegoela, bi alderdi nagusiek nola edo hala eta behingoan sistemaren goitik beherako berrantolaketari euts ziezaioten bi hauei benetako astindu bat ematearren hauteskundeetarako aukera serio eta irmo baten premia zegoela. 
Gizon handiak txikiari lehen sustoz zein disgustuz eta gero erdeinuz begiratu egin zion. Gizon handia herrian nagusi ziren bi alderdietako baten kide zen, gorago esan bezala  aspaldiko gobernu batean goi-mailako agintari izandakoa, bere bihotza ezkerrekotzat jotzen zuen, bai; baina, burua liberaltzat ere hartzen zuela aldarrikatu ohi zuen. Gizon handia edozein errotiko aldaketaren beldur zen, bortizkeria edonon sumatu eta izutu egiten zen eta. Gizon handiak txikiari galdetu egin zion behin berriro hauteskundeetarako aukera horrek zer nolakoa izan behar zuen.
Gizon txikiak erantzun zion berak ez zuela ideia zipitzik, gizon handia beste bat zela.
Txema Arinas
Oviedon, 2019/11/15.
Txema Arinas

About Txema Arinas

Txema Arinas (Gasteiz, 1969) Oviedon bizi da itzultzaile lanetan. Euskal Herriko Unibertsitatean Historia lizentziatua. Azken urteotan bidaia-agente, import-export arloan eta irakasle ihardun du. Hamar nobela argitaratuak ditu: Gaitajolea (2007), Los años infames (2007), Euskara Galdatan (2008) Anochecer en Lisboa (2008), Maldan Behera Doa Aguro Nire Gorputz Biluzia (2009), Zoko Berri (2009) El Sitio (2009) Azoka (2011), Borreroak baditu hamaika aurpegi (2011) eta Muerte entre las Viñas (2012), Como los Asnos Bajo la Carga (2013), En el País de los Listos (2015), Testamento de un impostor (2017) . Halaber, "Sabino Arana o la Identidad Pervertida· (2008) eta "EL Imposible Perdido, Pasado y presente del euskera en Álava, entre la imposición y la reivindicación" izeneko entseguak. Badu ere http://quejicakexontzia.blogspot.com/ izeneko bloga.
This entry was posted in Komunitatea. Bookmark the permalink.

Comments are closed.