Sormena eta idazmena lantzeko ikastaroa, Joxemari Iturralderen eskutik

Urriaren 7tik azaroaren 18ra eskainiko du Alhóndiga Bilbaon

Ikasturte hasiera da. Eta beste behin ere, oparo dator ikastaro zein tailer eskaintza. Idaztea gogoko dutenei zuzendua dago “Literatura eta sormen ikastaroa” izenekoa, eta horregatik nabarmendu nahi dugu Hitzen Uberan. Joxemari Iturralde idazleak eskainiko du Bilbon. Hilabete eta erdiko iraupena izango du eta astean behin batuko dira. Izena emateko epea irailaren 30ean amaituko da eta lehen bilera urriaren 7an izango da. Antolatzaileek aditzera eman dutenez, “ikastaro praktikoa izango da, bereziki ikasleek parte hartzeko pentsatua”.

Iturralde

Literatur tailer honetan, sormena eta idazmena landuko dira. Hiru helburu ditu ikastaroak:

a) Ikasleak testu bat literarioa den ala ez antzematea.
b) Ikasleak literaturgintzan mugitzeko baliabide literario batzuk erabil ditzan lortzea.
c) Ikaslea testu literarioak idazten has dadin lortzea.

 

Datak:

Urriaren 7tik azaroaren 18ra.

 

Egutegia:

Urriak 7, 14, 21, 28. Azaroak 4, 11, 18. Arratsaldeko 18:00etatik aurrera.

 

Ordutegia:

18:00-20:30.

 

Prezioa:

20 euro (AlhóndigaBilbao txartelarekin, 15).

 

Izena emateko epea:

Irailaren 30era arte, edo plazak bete arte.

 

Informazio gehiago:

Alhóndiga Bilbaoko Kulturen Ataria

Telefonoa: 944 014 014

 

This entry was posted in Albisteak. Bookmark the permalink.

Comments are closed.