Aldizkaria berria aurkezteko hiru ekitaldi antolatu ditu 111 Akademiak

Larraitz Ariznabarretak Martin Ugalde: diskurtso baten kartografiak doktore tesian oinarrituta eskainiko duen hitzaldiarekin hasiko da Kilkerren soka kultur zikloa. Martxoaren 3an asteartea izango da hori, iluntzeko 19:00etan Andoaingo Bastero Kulturgunean. Eta ekitaldi berean, 111 Akademiak argitaratu berri duen aldizkariaren 0. zenbakiaren aurkezpena egingo da.

Argazki

Kilkerren soka zikloko lehena izango da Andoaingoa. “Hurrengo hitzorduak Usurbilera eramango gaitu: martxoaren 5ean, ostegunez, Jose Luis Otamendik 2014an Susa argitaletxearen eskutik kaleratu duen Kapital publikoa poesia-liburuan oinarrituriko izen bereko errezitaldia eskainiko du 19:30ean Potxonea kultur etxean”, 111 Akademiatik aditzera eman dutenez.

Eta biharamunean, martxoaren 6an ostirala, “ziklo honen azken hitzordua. Bide Ertzean taldeak eta Oier Guillan eta Asier Sarasola errezitatzaileek Joxan Artzeren Heriotzaren ataria dugu bizitza eta Bizitzaren atea dukegu heriotza poesia-liburuetan (Elkar, 2013) oinarrituriko Nola belztu behar zuria errezitaldia eskainiko dute Eskoriatzako Zaldibar aretoan gaueko 22:30ean”.


Irakurzaletasuna sustatzea helburu

Kilkerren soka egitaraua 2010ean jarri zuen abian 111 Akademiak, eta lehenengo zikloetan liburu aurkezpenak nagusi baziren ere, azken saioetan errezitaldiak eta bestelako emanaldiak ere bildu izan ditu.

111 Akademiak euskal literatura eta irakurzaletasuna sustatu eta bultzatu asmoz garatu du egitasmo hau, eta urteko sorkuntza ezagutzera eman eta idazleei sorkuntza hori irakurleekin partekatzeko aukera eskaintzea du helburu.


Egitaraua

LarraitzAriznabarretaUgalde

Martxoaren 3an asteazkena, Andoainen

Martin Ugalde: diskurtso baten kartografiak. Larraitz Ariznabarretaren hitzaldia (Argazkia: Berria).

111 aldizkariaren aurkezpena.

19.00etan Bastero kulturgunean


otamendi

Martxoaren 5ean osteguna, Usurbilen

Kapital publikoa. Jose Luis Otamendiren errezitaldia.

19.30ean Potxonea kultur etxean.


artze idoiab

Martxoaren 6an ostirala, Eskoriatzan

Nola belztu behar zuria. Bide Ertzean, Oier Guillan, Asier Sarasolaren ikuskizuna.

22.30ean Zaldibar aretoan.

This entry was posted in Albisteak. Bookmark the permalink.

Comments are closed.