sautrela 319

Antzokira goazen bakoitzean, eserlekuan eseri eta parean dugunari erreparatzen diogu. Baina jakina da gidoi bat badagoela, eta norbaitek idatzi dituela oholtza gainean daudenek dituzten elkarrizketa eta mugimendu guztiak.
Lasarte-Oriako antzerki eskolan argitu nahi izan ditugu gure zalantzak. Nola idazten da antzezlan bat? Pablo Barrio idazlearekin eta Mertxe Rodriguez zuzendariarekin izan gara hizketan. Emaitza? Erreportajean ikusi ahal izango dugu.
Elkarrizketarako beta Frack Dolosorrekin hartuko dugu. Dolosor aurpegi ezaguna da ETBn; eta kazetaria izateaz gain, idazlea ere badugu. Senpereko Matxin irabola bertsolariari buruzko liburua argitaratu berri du.
Ohiko irakurketaren tartea Eider Rodriguezi utziko diogu aste honetan. Oreretako idazleak Annie Arnauxen obra bateko pitxia bat eskainiko digu.
Sautrela, astero bezala, larunbat eguerdiko 15.15etan emitituko da, ETB1en.