Hilabete sorkuntza Hendaiako Nekatoenean

Bosgarren aldiz, Euskal Kultur Erakundeak, Euskal Itsasbazterreko CPIEk eta Euskal Idazleen Elkarteak (EIE) beren baliabideak eta gaitasunak bateratu dituzte gazte literatura egonaldi bat antolatzeko, 2016an, Hendaiako Nekatoenean. Egonaldia euskal idazle guztiei zuzentzen zaie. Maiatzaren 17an amaituko da proiektuak aurkezteko epea. Honako albiste honetan bildu ditugu deialdiari buruzko xehetasun guztiak.

Nekatoenea

EPEMUGA: 2016ko maiatzaren 17a

TOKIA: Nekatoenea – Abbadia Eremua – 64700 HENDAIA

DATA: 2016ko urria eta azaroa bitartean

IRAUPENA: hilabete bat

BEKA: 1000 €

Artistaren aterpetzea

Tailer-apartamendu bat artistaren esku ezarria izanen da hilabete baterako Hendaiako Abbadiako Eremuan, «Nekatoenea» deitzen den etxean. Etxe hori eremu babestuan izanik, idazleak kontuan izan beharko ditu bertako arauak (bizikleta eta zakurrak debekatua, parkinga 700 m.tara).

Ekoizpen eta balorazio baldintzak

Egitasmoak bi zati izango ditu, eta honako hauek errespetatu behar dira:

1-Gazte literatura sorkuntza (hilabete batez), Hendaiako “Nekatoenea” etxean. Artistaren esku utziko da ekoizpen motaren eta lan gaien hautua, kontuan hartuta literatura sorkuntza euskaraz egingo dela. Programa horren xedea euskal kulturaren aniztasun osoa baloratzen duten proiektu berritzaileak gazteengan eta gazteekin sustatzea da.

2- Ikasle gazteekin jarduera bat: 12 urtetik gorako ikasle talde batekin. Idazleak bere idazlanari buruz proposatu nahi duen lana. Ikasturte hasieran hitzartuko du irakaslearekin eta 2016-2017 ikasturte bitartean antolatuko du ikasleekin 12 orduz elkartuz. Jarduera honek Hego Lapurdiko Hirigune eta DRACeko EAC programaren barnean izango da, horiek finantzaketa berezia ematen baitiote.

Hautaketa

Epaimahai batek hautatuko du irabazlea, hautagaitza-txostenak aztertu ondoren. Partaide-egitura bakoitzak ordezkari bat izendatuko du epaimahaian parte hartzeko.

Txostenak (egitasmoa, CVa, erreferentzia literarioak, eta abar) hiru helbide hauetara igor daitezke, emailez edo postaz, 2016eko maiatzaren 17a baino lehen:

1) Euskal itsasbazterreko CPIE (Aintzane Lasarte)
; cpielittoralbasque.sorkuntza@hendaye.com
; Larretxea, rue Armatonde karrika, 64700 Hendaia
Tel. (33) 559 20 37 20

2) Euskal Idazleen Elkartea – eie@idazleak.eus; Euskal Idazleen Elkartea • Zemoria kalea, 25 • 20013 Donostia (Gipuzkoa)
- Tel : (34) 943 27 69 99

3) Euskal Kultur Erakundea – etchegoin@eke.eus; Lota jauregia – 64480 Uztaritze Tel. (33) 559 93 25 25

Emaitza

Erabakiaren erantzuna e-postaz igorriko zaie hautagai guztiei.

This entry was posted in Albisteak. Bookmark the permalink.

Comments are closed.