Komunitatea

Lizar Begoņa

Patioa

Ostirala, 2021-05-14 | Lizar Begoņa
 

 

Lehenengo hitza idatzi eta woooooow kolektibo bat entzun da nire eraikineko patioan. Bigarren hitza idatzi eta txalo zaparrada bat. Hirugarrena idaztera noa, baina blokeatuta nago. Beste bat! Beste bat! Entzun dut patioan. Korridoretik bueltak ematen hasi naiz, hirugarrenaren bila. Hirugarrena nahi dute. Ezin dut. Hitz bat zor diet. Baina zein? Ez dut sinplea izan nahi, originala izan nahi dut. Aho zabalik utzi nahi dut patioko publikoa.

Beste bat! Beste bat! Hitz eder bat merezi du multzoak. Rokoko estiloko hitz hanpatu bat, igual. Pentsatu dut zuzenean ikusi beharko nukeela fęte galante horietako bat, nire inspirazioari on egingo lioke. Patioan dagoen bat baino gehiago dezepzionatuko nuke jakingo balu Londresen egonda nagoela behin baino gehiagotan, baina ez dudala inoiz Londreseko Wallace Collection bisitatu.

Patioko jendeak hor jarraitzen du eta nik, Fragonarden kolunpioan, hanka erotismoz luzatzen diet. Nire hitz ederrenaren zain daude gozamen linguistikoaren zaleak, plazera sentitu nahi dute denek. Nik daukat, antza, hirugarren hitza erditzeko boterea. Hitz baten etorkizuneko ama ote naiz? Hitz batek ama izan dezake?

Txistuka hasi dira. Orain bai, ez badut hitz bat idazten, beste idazleren baten lehio azpian jarriko dira testu eske. Eta betiko ahaztuko naute sexy planta hauek egiten kolunpio honen gainean. Begi guztiak kontrako noranzkoan zuzenduta daudenean ere, sexyarena egiten jarraituko dut neurriz kanpo eta hitzik gabe.

Patioa hustu da, plastikozko poltsa bat bezala. Bakarrik nago nire objektu hilen artean. Bakarrik geratu naiz ezer lehengo hitzak idazten nituenean bezala. Ez dut irakurlerik. Horrela idazten dudan dena erditu eta hil egiten da. Baina isilik geratu da dena, isilegi. Eta, horrela, bat-batean, gonbidatu ez dudan kanpotar bat bezala heldu da hirugarren hitza. Lehenengo bien ondoan kokatu dut: idatzi.

 

sitsek.com


Utzi zure iruzkina
      "Hegoak _______ banizkio, nirea izango zen" (derrigorrezkoa, spam-aren kontra)

Zer da Komunitatea? Nola izena eman?

Zer da uberan.eus web orriko Komunitatea?

uberan.eus web orrian euren sormen lanak partekatu nahi dituzten kideek osatuko dute Komunitatea.

uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.

Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.

Zeintzuk dira Komunitateko kideak?

  • Norbanakoak. Norbanakoak dira izen-abizena duten erabiltzaileak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.
  • Kolektibo literarioak, elkarteak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.

Zer egin Komunitateko kide bihurtu eta edukia gehitzeko?

Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.

Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.

Hortik aurrera, zure sormen lanak uberan.eus-era lotzeko aukera izango duzu.

Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.