«Lazunak azkazaletan» Gasteizen

Oihana Aranaren Lazunak azkazaletan (Susa, 2021) poema-liburua landuko dute Gasteizen, Gauekoak programaren barruan. Irakurri liburua hemen.

Liburuaren sinopsia

Fikzioaren apologia batekin abiatzen da Oihana Aranaren Lazunak azkazaletan poema liburua, gogorarazten diguna ez dugula idazlearen bizitzarik irakurriko orrialdeotan, orpoetako arrakaletan zer ezkutatzen duen jakin nahi duenak jai daukala. Jakin-minetik ari zaigun ahots bat irakurriko dugu poemotan, hain zuzen ere, eta erreparatuko die -sarri ironikoki- gizarteari, zeruko elementuei, harreman sozialei, habitatzen gaituzten espazioei, gorputzari.