Ibili. Ibili norabiderik gabe, presarik gabe. Denbora galtzen ikasi. Zeharkatu eguneroko paisaiak, haiek zeharkatzea beste helbururik gabe. Egon normalean erreparatzen ez diezun xehetasunei beha. Geratu normalean hitz egingo ez zenukeen norbaitekin hitz egitera. Nolako bazka izan daitezke paseoak literaturan?
Zarata dabil: gazte askok ez du literaturarik irakurtzen. Izan gaitezen zintzoak: heldu askok ere ez. Hezkuntza literarioa ez da existitzen, ez da eskolaren ardatzetako bat. Baina existitzen dira kontrakarrean ari diren entusiastak.
Zertan da euskarazko queer literatur kritika? 2010an 2007tik aurrerako lanak bildu zituen Desira Desordenatuak liburuak. Hamarkada igaro da, beraz, queer kritikak gurean indarra hartu zuenetik. Desirako partaideen eskutik, ikerbide horretan urteotan egindakoari erreparatzen dio erreportaje honek.
Aurten sei antzerki liburu plazaratu dira. Iazko erreportajeari segida emanez aurtengo antzerki uzta aztertu dugu erreportaje honetan. EHAZE-Antzerkizale elkarteko kideek erraztu dizkigute datuak eta edukiei buruzko oharrak. (Argazkia: Stereo, Ainhoa Resanoren irudia).
Argitaletxe EDO!k amaitutzat eman du bere bidea. Azken asteetan Edotafioa izeneko argitalpena jaso dute etxeko buzoian harpidedunek: itxieraz gogoeta egiten dute bertan argitaletxekoek. Erreportaje honetan begirada luzatu diogu EDO!ren ibilbideari, Edotafioari, eta azken urteetan plazaratu diren argitaletxe proiektu berrien panoramari. Irakurrieran irratsaioan ere Gotzon Barandiaranek landu berri du gaia, jarraian entzun dezakezue saioa osorik.
Jean Echenoz autore frantziarraren bost eleberri irakur ditzakegu euskaraz; Gerardo Markuletak itzuli ditu denak, eta Meettok etxearen eskutik argitaratu: Ravel (2007), Lasterka (2011), Tximistak (2012), 14 (2014) eta Isil-mandataria (2016). Echenoz ondo ezagutzen duen Gerardo Markuleta itzultzailearen adierazpenei tiraka osatu dugu erreportaje hau.
