Albisteak

Abian da Julene Azpeitia ipuin-lehiaketaren 33. edizioa

Asteazkena, 2020-07-22

Zumaiako Udalak Julene Azpeitia lehiaketaren 33. edizioa antolatu du: ipuinak sarituko dituzte, 6 eta 15 folio bitartekoak, eta irailaren 30era bitarte aurkez daitezke lanak. Albiste honetan bildu ditugu lehiaketaren oinarriak.

Zumaiako Udalak Julene Azpeitia lehiaketaren 33. edizioa antolatu du. Hona hemen deialdiaren oinarriak.

Oinarriak

1.- Euskaraz idatzita egon, originala izan eta argitaragabea. Ezingo du parte hartu beste lehiaketaren batean saririk jaso eta/edo literatur sormenerako laguntzaren bat jasoa duen idazlanak.

2.-Ezin dira aurkeztu jatorriz beste hizkuntza batean idatziak izan eta lehiaketarako euskaratu direnak.

3.- Gaia librea izango da, eta ipuinak gutxienez 6 orrialde eduki beharko ditu eta gehienez 15, lerroarte bikoitzarekin idatziak, orriaren alde batetik. Lan bakoitzaren lau ale bidaliko dira.

4.- Idazlanak, onartua izateko, izenburua bakarrik eramango du agerian eta idazlearen izena ezin izango da inon aipatu. Idazlanarekin batera, gutun-azal itxi bat bidali beharko da, kanpoaldean idazlanaren izenburua jarrita, eta barrualdean, berriz, egilearen izen-abizenak, telefonoa, helbide elektronikoa eta NAN agiriaren fotokopia.

5.- Aukera dago lanak posta elektronikoz bidaltzeko ere, euskara@zumaia.eus helbidera. Kasu horretan ere egilearen izen-abizenak, telefonoa, helbide elektronikoa eta NAN agiriaren fotokopia bidali beharko dira lanarekin batera. Epaimahaiko idazkariak izango du lan irabazleak ebatzi arte datuok gordetzeko ardura.

6.- Zumaiako Udalak izendatutako epaimahaiak ebatziko du lehiaketa. Epaimahaiko idazkaria Zumaiako Udaleko euskara teknikaria izango da, eta ez du botorik edukiko.

7.- Sariak eman gabe utzi ahal izango dira, eta finkatutako diru kopuruak zatiezinak izango dira.

8.- Lanak aurkezteko epea irailaren 30ean amaituko da. Sari banaketa garaiz iragarriko da.

9.- Zumaiako Udalak beretzat gordetzen du saritutako lanak argitaratzeko eskubidea, baina argitaratzekotan, epaimahaiak ebazpena eman eta urtebeteko epearen barruan argitaratu behar du, bai bere kabuz, bai beste batzuen bidez. Lehenengo argitalpenaren ustiapen eskubideak Zumaiako Udalarenak izango dira.

10.- Epaimahaiaren ebazpena itzulezina izango da, eta lehiaketa honetan parte hartzeak oinarri hauek onartzen direla esan nahi du.

11.- Idazle bakoitzak ezin izango du sari bat baino gehiago jaso.

12.- Sariak: 3 sari emango dira: lehen saria: 3.000 ; bigarren saria: 1.500 ; Zumaiako onenaren saria: 1.000 . Sarien diru kopuruek indarrean dagoen legediak ezarritako atxikipena izango

13.- Idazlanak helbide honetara bidali beharko dira, Julene Azpeitia 33. ipuin lehiaketarako dela adierazita:

Julene Azpeitia 31. ipuin lehiaketa

Zumaiako Udala. Euskara Zerbitzua.

Foruen enparantza 1

20750 Zumaia


Aurreko edizioetako irabazleak

Zumaiako Udalak lehiaketaren edizio guztietako irabazleen lanak bildu eta digitalizatu ditu. Hementxe dauzkazue eskuragai.

 

Utzi zure iruzkina
      "Hegoak _______ banizkio, nirea izango zen" (derrigorrezkoa, spam-aren kontra)