Albisteak

Juan Gelmanen heriotza: adiorik ez, poeta

Osteguna, 2014-01-16

Herenegun, urtarrilaren 14an hil zen Mexikon Juan Gelman poeta argentinarra. "Izan, hala da" izenekoa izan zuen azken poema, bertan Asier Sarasolak euskaraturik eskaintzen dizueguna.

.

IZAN, HALA DA

Egunez egun

gero eta hurbilago daukat nire hezurdura.

Azalera dator arrazoi osoz.

Onak eta txarrak pasarazi dizkiot ezer galdetu gabe,

bera beti galdezka nuela,ikusi gabe

nolakoa zen zoriona edo zorigaitza,

kexatu gabe, nirekiko

distantzia iheskorrik gabe.

Orain, ia begi bistan duela

inguruko airea,

zer pentsatuko du hautsi nuen lepauztaiak,

harribitxi bikaina, harri gainean

arrastaka ibili nituen belaunek

barkamen faltsuen artean, eta abar.

Eskeleto arpilatu, laster

ez da izango begiei traba egingo dien apetarik.

Unibertso biluziari eutsiko diozu.

.

Poema gehiago:

Literatur Emailuetan ere gogora ekarri dute Gelman, euskarari ekarritako haren poemak zerrendatuz.

Artikulua Berrian: Jazarriaren poetika

Utzi zure iruzkina
      "Hegoak _______ banizkio, nirea izango zen" (derrigorrezkoa, spam-aren kontra)