-><-
Uberan - Euskal Idazleen Elkartea

Albisteak

Maiatzaren 22ra arte luzatu dute Etxepare Sarira lanak aurkezteko epea

Asteazkena, 2020-04-29

Etxepare Sariaren antolatzaileek jakinarazi dutenez, osasun-larrialdia dela-eta, maiatzaren 22ra arte luzatuko dute lanak aurkezteko epea. Bestalde, lanak emailez aurkezteko bidea emango dute. Albiste honetan bildu ditugu lehiaketaren oinarriak, azken aldaketak gehituta.  

Poema bat eta hiru dantza... eder?

Asteartea, 2020-04-28

Etxe barruko mugimenduari eusteko Nick Caveren poema labur bat, eta Cave beraren, Michelle Gurevich-en eta The Knife-ren dantza bana proposatzen dizkizuegu. (Argazkia: Lovers are strangers, Michelle Gurevich kantariarena).

Kulturaz Antzerki Sormen Egonaldietan izena emateko epea zabaldu dute

Osteguna, 2020-04-23

Seigarren urtez jarraian, Kulturaz Antzerki Sormen Egonaldiak antolatu ditu Azpeitiko Kultur Mahaiaren Kooperatibak. Une zailak izan arren, “euskal antzerki sorkuntza sustatu eta sortze bidean diren proiektu eszeniko berrien bidelagun izaten jarraitu” nahi dutela adierazi dute. Albiste honetan bildu ditugu deialdiaren xehetasunak. Maiatzaren 8ra arte aurkez daitezke proposamenak.

Bihar eta etzi, greba digitala

Astelehena, 2020-04-20

Hitzen Uberaneko erredakzioko kideok euskal kulturgileen greba-deialdiarekin bat egingo dugu, eta horrenbestez, bihar eta etzi ez dugu eduki berririk argitaratuko atari honetan.

Liburuaren Eguna ospatzeko modu berriak, Garoaren eskutik

Asteazkena, 2020-04-15

Datorren astean, hilaren 23an, Liburuaren Eguna ospatu behar zen... Baina aurtengo osasun-larrialdiak goitik behera aldatu du dena. Horren harira, hainbat egitasmo sortu dira. Gaurkoan, Zarautzko Garoa liburu-dendaren proposamenaren berri dakarkizuegu. Irudia: Garoa.