Albisteak

Txokolategia argitaratu du Yolanda Arrietak

Osteguna, 2020-11-05

Txokolategia izeneko eleberria argitaratu du Yolanda Arrietak, Denonartean etxearen eskutik. Eleberri fantastiko bat da, eta Ataria aurreko eleberriaren adartzat har liteke.

"Antigone" taularatuko du Horman Poster kolektiboak

Asteazkena, 2020-11-04

Antigone edo ezetzaren beharra taularatuko du Bilboko Horman Poster kolektiboak Arriaga antzokian. Antzezlana Sofoklesen Antigona testutik eta Antigonaren beste bertsio garaikide batzuetatik (Jokin Zaitegi, Jean Anouilh, Bertolt Brecht, Maria Zambrano, Slavoj Zizek eta Judith Butler) abiatutako idazketa kolektibo librea da.

Miren Asiainen lanak ikusgai daude Ilustratzaileen Txokoan

Asteartea, 2020-11-03

Hiru hilabetero, ilustratzaile baten lana erakusten du Ilustratzaileen Txokoak –Aieteko kultur etxean dago; Donostian–. Urriaren 14tik hasi eta urtarrilaren 24ra bitartean, Miren Asiain Loraren txanda da. (Irudia: Miren Asiainen ilustrazio bat).

Jokin Zaitegi sariketa, Louise Glück-en "The Wild Iris" itzultzeko

Astelehena, 2020-11-02

Elkar argitaletxeak eta Arrasateko AED elkarteak urtero antolatzen dute Jokin Zaitegi itzulpen saria, urte horretako Literaturako Nobel saria irabazi duen idazlearen obra bat euskaratzeko. Aurten Louise Glück poeta estatubatuarrari eman zaio Nobel saria, eta orain haren The Wild Iris poema-liburua euskaratuko duen itzultzailea topatzeko jartzen da martxan Zaitegi saria.

"Hitzak hots" literatura eta musika lana plazaratu du Pamielak

Osteguna, 2020-10-29

Bost idazleren zortzi testu plazaratu ditu Pamielak, liburu eta DVD formatuan. Antton Valverdek eta Anjel Lertxundik edukitako bulkadatik jaio zen duela urte pare bat proiektua, zuzeneko emanaldi batean Itxaro Borda, Jule Goikoetxea, Tere Irastortza, Miren Agur Meabe eta Arantxa Urretabizkaiaren ahotsak elkartuta.