Komunitatea

Lizar

Solaris

Ostirala, 2018-08-17 | Lizar

 

Solarisera joan baino egun bat lehenago

ez den batek bezala ibili nintzen etxe alboko estankean.

Urrunetik ikusi nuen Lurra,

animalia batek gizadia begiratzen duen moduan.

Estankeko algak ez ziren algak, ez landareak,

laztan beldurgarriak ematen zituzten atzamarrak ziren,

eta geroago, kausa-efektuaren legetik kanpo, astiro eta arrazoi gabe mugitzen ziren forma isolatuak.

Estanketik etxerako distantzia, eta Lurretik planeta-ozeanorako distantzia konparatu nituen.

Tarte bat ibili nuen hankekin, oinekin, oinetakoekin, arropa guztiarekin,

gorputza artikulatuz, tokiz aldatuz, mugituz.

Euri jasa bat erori zen, baina objektu hil batek bezala erreakzionatu nuen;

mahaia, aulkia, ni,

eta hurrengo egunean [...] Gehiago irakurri

Japoniar jatetxean

Ostirala, 2018-06-22 | Lizar

 

/Burua inoiz haziko ez diren larbaz beteta daukat,

tripan hiruki bat,

eta hirukiaren ondoan abesti bat.

 

Eztarrian parke industrial itzel bat hazten hasi zait

eta ez dut esaten jakin,

laguntzarik beharko ez banu bezala.

Nor dirudit kanpotik ikusita?

 

/Nik ere galtzaileen istoriak maite ditut,

eurekin jango nuke Ravennako jatetxe japoniarrean.

 

Luca ere etorriko litzateke,

aktorea izatekoa zen, baina soilik da Luca.

 

Postrean, bere lagun batek estanpatutako poema guztiak irakurriko lizkiguke.

Liburu gorritik, liburu urdinetik.

 

Jatetxe eta tabernetako erpinetan jesartzea gustatzen zaionez,

angolo batean jarriko ginateke galtzaile guztiak,

Sixto Rodriguez eta errekonozimenduari buruz hizketan,

edo suizidatutako filosofo [...] Gehiago irakurri

Ihes egitearena

Igandea, 2018-06-03 | Lizar

 

arratoiak bezala eraman gaituzte emmigratzera

eta han arratsaldea eta han gaua

beste bat ziren

 

hemen nire-neure haginak tragatzen ditut nahigabe

eta kalabazak eta loreak eta euren zurtoinak

baina maite-gorroto dut osteko polemika

 

hemen alderantziz eskapatzen naiz zugandik

brillantinaz beteta, drag-queen nortasunez

oraingoan Portugaleraino

 

eta ez dakit gero zer

 

 

Esteka: sitsek.blogspot.com

THIB

Asteazkena, 2018-05-23 | Lizar

 

Giovanna Marinik gitarra hartu

eta belarrietara abestu digu "Amazing Grace

 

how sweet the sound,

that saved a wretch like me.

I was once lost, but now I'm found,

I was once blind, but now I see.

 

It was Grace that taught my heart to feel,

and Grace my fears relieved.

How precious did that grace appear

the hour I first believed."

 

Amen esango nuke,

baina plazerez eztanda egingo dut

semena azaletik erortzen ari zaien begien artean.

 

Amen esango nuke,

baina tamaina handiko irudien bonbardaketak izaten dira egunero,

eta konbinazio [...] Gehiago irakurri

Invertite di Freud

Asteazkena, 2018-05-23 | Lizar

 

[Invertite di Freud]

 

Emakume denetik

Zu ere emakume zarenetik

Da quando è donna

E anche tu

 

Eta emakume zarelako bakarrik

Solo perchè sei donna

 

 

Esteka: sitsek.blogspot.com

 

Lizar kimuak bularrean

Ostirala, 2018-05-11 | Lizar

A

Kamiseta kendu eta lizar kimuak ikusten zaizkit, oraindik hazi gabe, haztear. Apartamentuko balkoiean jartzen naiz, bularra agerian, eguzkiak emateko. Eta hilabete batzuen buruan izango dudan lizardia hazarazteko.

Össurrek nahiago du (etxean baino) fotosintesia Reikiavikeko zaharren egoitza batean egiten badut, seguruago egongo naizela. Irailaren hasieran sartuko naute, plaza hartu dit jada, orriak sinatuta eta arropa kutxak prest daude.

Sukaldeko mahaiean zahar-etxeko eskuorri bat dago, ez da milimetro bat mugitu. Hor dago, geldi, gabonetatik. Azalean bi amama daude kartetan jolasten, [...] Gehiago irakurri

Tchoupi et ses amis

Asteazkena, 2018-05-02 | Lizar

 

Maurice Sendaken edredoi azpian

ikastola, ospitale eta basoak kabitzen dira,

 

eta ama soltera bat,

gu hirurok,

otsoak,

panpinez gainezka tentsioan dauden motxilak,

 

eta boligrafo-koilaraz

gosariak,

 

apiretal dosiak,

eta eskaileretatik

pisu honetaraino igotzen ari diren -baina inoiz iritsiko ez diren-

txakur ertain eta itzel bat,

 

Tchoupi et ses amis,

zapatuko muxu hilerria,

 

eta alfonbra-igerilekuak,

eta klase erdian txiza egiten duten irakasle enrollatuak,

eta hemen-nago-eta-ez-nago konstanteak.

 

Edredoi azpian sartzen garen bakoitzean

denborak

motel baina

apur bat aurrera egin du.

 

 

Esteka: sitsek.blogspot.com

Lore baten obarioa

Astelehena, 2018-04-16 | Lizar

Lore baten obarioa gorde du liburu baten orrietan

maitenaueznaumaitemaitenau.

 

Txibiritak petalorik gabe uztea lotsagarria da,

are gehiago biluzte horren oroitzapena George Orwellen liburu batean gordetzea.

Ez dira horretarako garaiak.

 

Herriko txakur guztiek korrika eta kaka egiteko parke botaniko bat da,

a place to play frisbee, for fluorescent jogging, for a picnic,

amanteei kartak idazteko,

eta udaberriko txibirita txikietan sinbolo-erantzunak aurkitzeko.

 

Maiteduenezduenmaitemaiteduen jakiteak erantzun monosemikoa izango balu bezala.

Ez dira garai horiek, berriagoak gara.

 

 

 

Esteka: sitsek.blogspot.com

Alde honetan

Igandea, 2018-04-15 | Lizar

 

Faktore guztiak ikertu nahian,

blokeoen

eta baldosazko hemisferio honetan,

 

alde honetan

beldur naiz.

 

Baina, konturatu nintzen galduta jaiotzen garela,

gezurrek garezur bana topatu arte,

akaso bukaerara arte.

 

Okupa nazazu, mesedez,

barrutik kanpora,

ez dezadan gehiegi argaldu zentzu honen anorexiaz.

 

 

 

Esteka: sitsek.blogspot.com

Zer da Komunitatea? Nola izena eman?

Zer da uberan.eus web orriko Komunitatea?

uberan.eus web orrian euren sormen lanak partekatu nahi dituzten kideek osatuko dute Komunitatea.

uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.

Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.

Zeintzuk dira Komunitateko kideak?

  • Norbanakoak. Norbanakoak dira izen-abizena duten erabiltzaileak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.
  • Kolektibo literarioak, elkarteak. Komunitatea atalean, sormen lanak gehitzeko aukera izango dute. Hitzak eta irudiak baliatuko ahal izango dituzte horretarako.

Zer egin Komunitateko kide bihurtu eta edukia gehitzeko?

Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.

Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.

Hortik aurrera, zure sormen lanak uberan.eus-era lotzeko aukera izango duzu.

Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.