Urtero akordatzen ginen
Galdutako lagunekin.
Intolerantziaren balek garbitutakoak
Intolerantziaren bonbek birrindutakoak
Intolerantziaren hitzek ozpindutakoak
Intolerantziaren begiratuek uxatutakoak
Intolerantziak berak erbesteratutakoak.
Akordatuko gara beti.
Astero mozkortzen ginen
Alde Zaharreko betiko taberna-zuloetan.
Astero kale-kantoiak sutan
Airea gomazko pilotak eta galtzada-harriak.
Astero hiletaren bat egunkarietako lehenengo orrian.
Agintariak eta deitoreka zein promeska pantailetan
Astero errepikatzen genituen inork aditzen ez zituen hitz bertsuak
Aurrekoa konbentzitu ezean gure egia zein zen adierazi nahian.
Egunero jaikitzen ginen
Hor kanpoan ezer aldatuko ez zelakoan
Ez behintzat gure munduaren berri ematen zuten hedabideetan
Edota zoritxarreko gatazka behingoz konpontzeko gakoa zutenen diskurtsoan
Ez eta gure artean tai gabe altxatzen ziren gorrotozko harresietan ere.
Egunero dena okerrago.
Minuturo aspertzen naiz iragana gogora ekartzeaz
Akorduan sasoi beltz haiek
Hainbeste min eta kalte
Errugabekoen oinazea
Hiltzaileen harrokeria
Gehienon koldarkeria
Hildakoen falta
Eutsi zutenen patua
Bizirik gaudenon erantzukizuna
Txema Arinas
Azken ekarpenak 
Zer da uberan.eus web orriko Komunitatea?
uberan.eus web orrian euren sormen lanak partekatu nahi dituzten kideek osatuko dute Komunitatea.
uberan.eus web orriaren baitan propio sortu den atal honetan, beraz, sormen lan horiek denak batuko dira. Eta bertan egongo dira erakusgai.
Komunitateko kideez gain, uberan.eus web orrira hurbiltzen den edonork ere bisitatu ahal izango du uberan.eus web orriko Komunitatea.
Zeintzuk dira Komunitateko kideak?
Zer egin Komunitateko kide bihurtu eta edukia gehitzeko?
Kide izateko eskaera bideratuz: beherago dagoen formularioa bete eta igorri behar duzu. Benetako datuak eman dituzula konprobatu ondoren, Komunitateko kide izateko eskaera onartuko zaizu.
Gida liburuxka bat bidaliko zaizu, eta gida horren bitartez zure sormen lanak uberan.eus orriko Komunitatera igotzeko xehetasunak jasoko dituzu.
Hortik aurrera, zure sormen lanak uberan.eus-era lotzeko aukera izango duzu.
Oharra: Ezingo da mezu iraingarririk argitaratu. Halakoetan, post hori ezabatzeko eskubidea izango du administratzaileak. Eta arazoa errepikatuko balitz, kidetza etengo litzateke.
