Sinadurak

EKE-Elkar Literatura Beka, maiatzaren 31a bitarte

Osteguna, 2021-01-21

Elkar fundazioak eta Euskal Kultur Erakundeak Iparraldeko idazleak euskaraz idaztera lehiatzeko asmoz, EKE-Elkar literatura beka sortzea erabaki dute. Beka berri horrek Gazteluma beka ordezkatuko du eta bi urteetarik behin antolatuko da. 2021eko deialdi honentzat, komikia edo nobela grafikoa izanen da generoa. Argazkian: Pantxoa Etchegoin (Euskal Kultur Erakundea) eta Joxemari Sors (Elkar Fundazioa).

Liberoamerikak idazle gazteen lanak argitaratzeko deialdia zabaldu du

Osteguna, 2021-01-21

Kultura eta hizkuntza desberdinak batu nahi ditu Liberoamerika egitasmoak (Argentinan eta Euskal Herrian dago martxan proiektua), feminismoari, esperimentazioari eta aniztasunari leku berezia eginez, eta gazte sortzaileen lanak argitaratu eta zabaltzeko asmoz. Izotzetan islatuak antologia kaleratu zuten 2020an. Horren ostean, idazle gazteen lanak argitaratzeari eman nahi diote lehentasuna, eta horretarako deialdi bat plazaratu dute.

Sotoan gordetzen dira ardo onak… eta familiako sekretuak

Asteazkena, 2021-01-20

Sotoan gordeak izeneko eleberria kaleratu du Miren Gorrotxategik, Txalaparta argitaletxearen eskutik eta (H)ilbeltza bekaren babesarekin. Familia barruko sekretuak eta gatazkak aztertu ditu, detektiberik gabeko nobela beltz honetan.

 

Abian da Etxepare saria

Osteguna, 2021-01-14

Abian da Etxepare Saria, haurrei zuzenduriko album ilustratuak saritzen dituen lehiaketa. Nafarroako hainbat udalek antolatzen dute, Pamiela argitaletxearen laguntzarekin. Lanak maiatzaren 7ra bitarte aurkez daitezke, eta albiste honetan bildu ditugu lehiaketaren oinarriak.